بيبقى إحساس حلو أوي لما تعمل حاجة مفيدة بإيدك في البيت خصوصًا لو المواد والمكونات اللي بتستخدمها موجودة عندك وكنت هترميها علشان مش هتستخدمها تاني! علشان كده جمعنالكم شوية أفكار إزاي تقدروا من السلع الاستهلاكية اللي بنستخدمها يوميًا ونرميها زي: المعالق البلاستيك وعلب الكارتون…إلخ تقدروا تعملوا مصابيح ووحدات إضاءة تـ نور بيتك بطريقة مختلفة :
“نور بيتك”
نجفة من الكارتون
ممكن تعمل النجفة من علب اللبن الكارتون أو علب كارتون فاضية عندكوا في البيت زي كده:
“نور بيتك “
نجفة من المعالق البلاستيك
الأدوات المستخدمة في النجفة دي هي حاجات موجودة في كل بيت وبنستخدمها كل يوم!
معالق بلاستيك – جالون مياه – لمبة – سلك كهرباء – مسدس شمع. بس كده علشان يبقى عندك نجفة زي دي:
“نور بيتك”
لمبة من الورق
بسيطة وشيك جدًا في نفس الوقت وممكن تعملوها في أوضة الليفينج أو أوضة الأطفال! هاتوا ورق وقطعوه على شكل مثلثات طويلة كتير وعلى أي كورة سلك ابتدوا الزقوها زي الصورة.
“نور بيتك “
نجفة من الأزايز البلاستيك
هاتوا أي أزايز بلاستيك قديمة عندكوا بتاعة البيبسي أو المياه وقصوا القاعدة بتاعتها من تحت، وبعد كده الزقوهم على خيوط بلاستيك طويلة وعلى اسطوانة معدن اربطوا الخيوط وبس كده.
“نور بيتك “
لمبة من ورق الكب كيك
“نور بيتك “
أباجورة من البيبسي كان
كل اللي هتحتاجه كانز بيبسي أنت وأصحابك وعيلتك ، علشان يبقى عندك أباجورة زي دي وممكن تعملوها مع بعض
“نور بيتك بطريقة مختلفة”
نجفة من الحلويات
دي هتبقى مناسبة أوي لأوضة الأطفال، وخلوا أولادكم أو أخواتكم الصغيرين يعملوها معاكم هيستمتعوا أوي. هاتوا أي نوع حلويات جيلي أنتوا بتحبوها جيلي كولا أو أي حاجة وثبتوا واحدة في كل خيط بلاستيك وعلقوا الخيوط على ارتفاعات مختلفة علشان يبقى عندكوا نفس الشكل ده.